Asiya.az xəbər verir ki, Əhməd Əhmədov Dövlət qulluqçularının təltif edilməsi haqqında Azərbaycan Respublikası Prezidenti İlham Əliyevin 23 iyun 2021-ci il tarixli Sərəncamı ilə Dövlət qulluğunda səmərəli fəaliyyətinə görə təltif edilib.
Qeyd edək ki, Əhməd Əhmədov 12 sentyabr 1961-ci ildə Masallı rayonunun Ərkivan kəndində anadan olub.
O, 1979-cu ildə Bədirli orta məktəbini bitirib.
1980-1982-cü illərdə Sovet Ordu sıralarında xidmət edib. Bölmə komandirinin müavini olub.
1983-1988-ci illərdə N.A.Voznosenski adına Leninqrad Maliyyə-İqtisad İnstitutunun Bakı filialını (D.Bünyadzadə adına Azərbaycan Xalq Təsərrüfatı İnsitutu, qiyabi təhsili üzrə) bitirib.
İşləyə-işləyə təhsilini davam etdirib. İlk əmək fəaliyyətinə 2 nömrəli Bakı Şərab Zavodundan başlayıb.
1983-1984-cü illərdə Masallı Quraşdırma İdarəsində çalışıb.
1984-1992-ci illərdə Masallı Tara Müəssisəsində işlərkən kiçik mühasiblikdən baş iqtisadçı vəzifəsinə qədər yüksəlib.
2002-ci ildən bu günə kimi Masallı RİHB-nın Ərkivan ərazi dairəsi üzrə nümayəndəsinin müavini vəzifəsində çalışır.
2002-ci ildən Yeni Azərbaycan Partiyasının üzvüdür.
İşlədiyi müddətdə rəhbərlik tərəfindən dəfələrlə fəxri fərman və təşəkkürnamələrə layiq görülüb.
Ailəlidir. 2 qızı, 1 oğlu, 7 nəvəsi var.