Asiya TV xəbər verir ki, hər zaman rayonun aztəminatlı, şəhid və qazi ailələrinə xüsusi diqqət göstərən marketlər şəbəkəsinin bu dəfə ki, aksiyası Azərbaycan Respublikasının Silahlı Qüvvələr Gününün yaranmasının 103-cü ildönümünə təsadüf edirdi.
Müştəri məmnunluğuna xüsusi önəm verən market rəhbərliyi, bu gün həm də yeni dizaynda, genişləndirilmiş mağazasını əhalinin istifadəsinə verdi.
Şəhid ailələrinin, qazilərin, ictimayət nümayəndələrinin iştirak etdiyi tədbirdə bayram günü münasibəti ilə 10-larla aztəminatlı ailələrə ərzaq yardımı edildi.
Marketlər şəbəkəsinin rəhbəri, sahibkar Alxas Əşrəfov çıxış edərək, Silahlı Qüvvələr Günü münasibəti ilə şəhid ailələri, qazilər başda olmaqla hər kəsi təbrik etdi. O, bildirdi ki, “AĞA” marketlər şəbəkəsi əvvəllər olduğu kimi, gələcəkdə də hər zaman rayonun sosial həyatında önəmli rol oynayacaqdır.