Azərbaycan Respublikası Milli Məclisinin deputatları – Anar İsgəndərov və Məşhur Məmmədov Masallı rayonunda vətəndaş qəbulu keçiriblər.
Asiya.az xəbər verir ki, millət vəkili Anar İsgəndərov seçicilərini Heydər Əliyev Mərkəzində, millət vəkili Məşhur Məmmədov isə YAP Masallı rayon təşkilatında qəbul edib.
Hər iki görüşdə seçiciləri narahat edən məsələlərin yerində həllini tapması üçün Masallı RİH aparatından nümayəndələr də iştirak ediblər.
Qəbul zamanı seçicilərin problemləri dinlənilib. Bəzi məsələlər yerindəcə həll edilib, qalanlarının həlli üçün müvafiq tapşırıqlar verilib.
