Asiya.az xəbər verir ki, sağlamlığımız üçün su istehlakına diqqət etməliyik. Su istehlak etməyən insanlar bir çox sağlamlıq problemləri ilə qarşılaşa bilərlər.
Dərinin quruması və qabıqlanması kimi problemlərlə yanaşı, böyrəklərin zədələnməsi də gündəmdədir. Bu səbəbdən su içməyi laqeyd etməmək həyatımızın ən böyük qaydalarından biri olmalıdır. Səhərlər ac qarına su içməyi də ənənəyə çevirməliyik.
Bəs ac qarına su içsək nə olar?
Gecə yuxudan duranda su içməmisinizsə, vücudunuz çoxlu su itirir və səhər onun yerini doldurmalısınız. Bədəninizdə itirilən suyun yerini doldurmaq üçün oyanan kimi su içmək lazımdır. Bundan əlavə, pəhriz saxlayanların səhərlər acqarına su içməsi də arıqlamağa dəstək olacaq. İçməli su mədənin bir hissəsini dolduracağı üçün aclıq hissi yaratmayacaq.
Səhər acqarına su içdiyiniz zaman bütün toksinləriniz atılır və həzm sisteminiz bu şəkildə yaxşılaşır. Bu şəkildə daha az aclıq hiss edəcəksiniz. Bu, həddindən artıq yemək səbəbindən çəki artımının qarşısını alacaq.
Bu bir həqiqətdir ki, acqarına içilən su böyrəklərdə daş əmələ gəlməsinə səbəb olan turşuları sulandırır. Bundan əlavə, içdiyiniz su ilə toksinlərin səbəb olduğu müxtəlif sidik kisəsi infeksiyalarından qorunursunuz.
Bundan əlavə, acqarına ilıq və ya isti su içməklə bağırsaqlarınızı daha təsirli şəkildə stimullaşdıra bilərsiniz.
Susuzluq qırışlara və dərin məsamələrə səbəb olur. Aparılan araşdırmaya görə, acqarına 500 ml su içmək dəridə qan dövranını artırır, hamar və parlaq bir dəri təmin edir.
Ayşən
