![Otellərin saxta statistikası… “Gələnləri rəsmiləşdirmirlər” – İqtisadçı](/uploads/posts/2024-07/1721147680_tia_0c57441f1afa6acf1758f8e6d2d73f91_vcnjpe7u0b5lraifkx32.jpg)
Tribunaonfo.az xəbər verir ki, bu fikirlərlə iqtisadçı Natiq Cəfərli çıxış edib. O bildirib ki, əgər bu rəqəmlər doğrudursa, o zaman otellərə gələn yoxdur, amma onlar qiyməti, ortalama, 30% qaldırıblar:
“Ancaq məntiqlə tam tərsinə olmalı, qiymətləri salmalıdırlar ki, adamlar daha çox gəlsinlər.
Yox əgər rəsmi rəqəmlər yanlışdırsa, otellər vətəndaşları qonaqlayır, amma rəsmiləşdirmirlərsə, o zaman “bir vaqon” nəzarətçi hökumət qurumları hara baxır, niyə göz yumurlar, nəyin müqabilində görməzdən gəlirlər?!”. Rəsmi məlumata görə, bu ilin yanvar-avqust aylarında Azərbaycandakı 3 ulduzlu hotellərdə bir gecə qalmaq üçün orta qiymət 82,7 manat təşkil edib, bu keçən ilin eyni dövrü ilə müqaisədə 26,4%, 4 ulduzlu hotellərdə bir gecə qalmaq üçün orta qiymət 118,2 manat olub, bu ötən ilin eyni dövrü ilə müqayisədə 21,3%, 5 ulduzlu hotellərdə bir gecə qalmaq üçün orta qiymət 226,8 manat təşkil edib, bu ötən ilin eyni dövrü ilə müqayisədə 39,1 % bahalaşma deməkdir.