İkinci cəhddə beşinci dövlət başçısını seçilən Vahan Xaçatryanın aktiv siyasi fəaliyyətdə olmaması bir sıra sualların yaranmasına səbəb olub.
Asiya.az Vahan Xaçatryanın avtobioqrafiyasını əldə edib. Həmin məlumatları təqdim edirik:
Yeni prezident 1980-1981-ci illərdə Sovet ordusunda xidmət edib. Hərbi xidmətini bitirəndən sonra o, 1981-1989-cu illərdə "Razdanmaş" İstehsalat Birliyində iqtisadçı işləyib. Bundan sonra əmək fəaliyyətini 1989-1992-ci illərdə "Mars" dövlət müəssisəsində şöbə müdiri və baş direktor müavini çalışaraq icra edib.
Xaçatryanın 1992-1996-cı illərdə İrəvan meri və Ermənistan prezidentinin müşaviri funksiyalarını icra edib.
1996-1999-cu illərdə "Respublika" fraksiyasının üzvü kimi deputat olub.
2000-ci ildə ARMAT Demokratiya və Vətəndaş Cəmiyyətinin İnkişafı Mərkəzini təsis edib.
2002-ci ildə Siyasi Elmlər, Hüquq və İqtisadi Araşdırmalar Mərkəzinin vitse-prezidenti kimi fəaliyyətə başlayıb.
2006-cı ildə "Aylyntrank" ictimai-siyasi təşəbbüsünün qurucularından olub.
2019-2021-ci illərdə "Armekonombank"ın İdarə Heyətinin üzvü olub.
2021-ci ildə yüksək texnologiyalar naziri təyin edilib.
Xatırladaq ki, bu ilin yanvar ayında Ermənistan pezidenti Armen Sarkisyan istefa vermişdi. Onun baş nazir Nikol Paşinyanla ciddi konfilikləri və fikir ayrılıqları olduğu bildirilirdi.
