![Ərkivandan ABŞ-a gedən yol - Abdullanın uğuru](/uploads/posts/2024-05/1716132081_mg-20240519-wa0011.jpg)
Bu günlərdə Cəbiyevlər ailəsi Abdullanın uğurunu böyük sevinclə qarşılayıb. Abdulla Cəbiyev magistratura təhsilini bakalavr pilləsində yiyələndiyi ixtias üzrə Azərbaycan Diplomatik Akademiyasında(ADA) alacaq.
Qəbul zamanı Abdulla Cəbiyevin ADA və xarici ölkələrin elm adamları qarşısında yüksək nəticə əldə etməsi, nəzəri və praktik biliklərə tam dolğun cavab verməsi, eləcə də ingilis dili bilikləri üzrə beynəlxalq sertifikata sahiblənməsi ADA rektorluğunun və beynəlxalq elm arenasının diqqətindən yayınmayıb. Gənc mühəndisə 1 il 6 ay ADA-da təhsil aldıqdan sonra magistratura təhsilinin qalan 1 ilini ödənişsiz yolla ABŞ-ın nüfuzlu Vaşinqton Dövlət Universitetində davam etdirməsi tövsiyyə olunub. Yüksək uğura imza atan Abdulla Cəbiyevin doğulduğu Ərkivan qəsəbəsinin Cəbiyevlər məhəlləsi elm adamları, ziyalı potensialı ilə nəinki Masallıda, ölkəmizdə də tanınır. Cəbiyevlər şəcərəsinin layiqli övladı Abdulla Cəbiyevə təhsilində uğurlar diləyir və əminik ki, elm aləmində Abdullanın da öz yolu öz izi olacaq və layiq olduğu nəsilə başucalığı gətirəcək.
Ayiq SƏMƏDOV