Asiya.az xəbər verir ki, "Meta” ABŞ-nin bəzi ştatlarında yaş yoxlama qanunlarına görə "WhatsApp”ı yeni dəyişikliklərə hazırlayır.
WABetaInfo-nun məlumatına görə, Android proqramında dəyişikliklər ediləcək. "WhatsApp”ın beta versiyasında (v.2.24.12.25) "WhatsApp”a istifadəçilərindən doğum ilini soruşmağa imkan verəcək kod aşkar edilib.
Bildirişdə bildirilir ki, il sonradan dəyişdirilə bilməz və "WhatsApp”dan istifadəni davam etdirmək üçün doğum tarixinizi daxil etməyiniz mütləqdir.
Hələlik bu xüsusiyyət ictimaiyyət üçün əlçatan deyil. Bu xüsusiyyət üçün heç bir rəsmi səbəb göstərilməsə də, bu, çox güman ki, hazırda ABŞ-də qüvvədə olan qanunlarla bağlıdır.
