Tədbirdə Media nümayəndələri və rəssamlar iştirak edirdilər.
Asiya.az xəbər verir ki, tədbiri giriş sözü ilə açan Beynəlxalq Qalereyanın direktoru Elnurə İsgəndərova qonaqları salamlayaraq 22 iyul Milli Mətbuat Günü münasibətilə media nümayəndələrini təbrik etdi. Qarabağ müharibəsində Şəhid olan jurnalistlərin xatirəsi bir dəqiqəlik sükutla yad olunub. Elnurə İsgəndərova "Əkinçi" qəzetinin nəşr olunmasından ötən 149 il ərzində Azərbaycan mətbuatının inkişafından bəhs etdi. Təltif edilən media nümayəndələri Xanoğlan Əhmədov, Dünyaxanım Əliyeva, Çingiz Abdullayev, Yeganə Telmanqızı, Yasəmən Məmmədova, Cəfər Cəfərov, Xatirə Məmmədova, Nahid Cavanşir oğlu, Rəsul Mirhəşimli Həsən bəy Zərdabinin əsasını qoyduğu milli mətbuatımızın bugünki inkişafından söz açdılar, dövlət və ictimaiyyət səviyyəsində göstərilən qayğıya görə təşəkürlərini bildirdilər. Rəssamlar, ADPU-nun müəllimi Elçin Mayılov, ADRA - nın müəllimi Zinaida Mirzəzadə, Tofiqə Əliyeva, Gövhər Məmmədova, Günel İsmayılova, Əsmər Abdullazadə, Tamerlan Məmmədov, Səmayə Rzayeva İl boyu vətənpərvər fəaliyyətinə görə bir qrup media nümayəndələri ilə birgə ödül və diplomlarla təltif olundular. Ödül alanlar sırasında Azərbaycanın Əməkdar artisti Səlim Abbasov vətənpərvərlik tədbirlərində solo konsertinə görə təltif olundu. Səlim Abbasov çıxışında təşkilatçılara təşəkkür edib gözəl müsiqi nömrələri ilə çıxış etdi. Sonda xatirə fotoları çəkildi.
Müxbir: Aygün Oqtay
Fotoqraf: Camal
