Masallı şəhərində fəaliyyət göstərən “Viləş” uşaq bağçası hər zaman rayonun ictimai, sosial həyatında göstərdiyi fəallıq ilə seçilib.
Asiya.az xəbər verir ki, uşaq bağçasının körpə fidanları polis 2 iyul - Azərbaycan Polisinin yaranması günündə Masallı Rayon Polis Şöbəsinə gələrək əsayişimizin keşiyində duran polis əməkdaşların özlərinə məxsus təbrik ediblər.
Bağçanın direktoru Şəfa Allahverdiyeva tərəfindən Masallı RPŞ-in kollektivinə və şöbənin rəisi polkovnik Azay Ağayevə göstərdikləri fədakar xidmətlərə görə “Təşəkkürnamə” təqdim edilib.
Sonra polis paltarı geyinmiş uşaqlar Masallı RPŞ-nin DYPB-nin əməkdaşlarının iştirakı ilə reyd keçirib, musiqi sədaları altında video çarx hazırlayıblar.
