APA-nın cənub bürosunun verdiyi məlumata görə hadisə şəhərin dəniz kənarı ərazisində baş verib. "DAEWOO" markalı minik avtomobili hərəkətdə olarkən Astara rayonunun Kolatan kənd sakini 1995-ci il təvəllüdlü Anar Bəxtiyar oğlu Ağarzazadəni vurub. Müxtəlif dərəcəli ağır bədən xəsarətləri alan piyada, sürücü tərəfindən Lənkəran rayon mərkəzi xəstəxanasının təcili yardım şöbəsinə çatdırılıb.
Həkimlər yaralıya dəqiqləşdirilməmiş kəllədaxili travma diaqnozu qoyaraq, xəstəxanasının reanimasiya şöbəsinə yerləşdiriblər.
Hazırda A.Ağarzazadənin vəziyyəti ağır olaraq qalıb.
Faktla bağlı araşdırma aparılır.
