Asiya.az Lənkəran Regional Qaz İstismarı İdarəsinə istinadən xəbər verir ki, Mahmudavar kəndində qeyri-yaşayış sahəsinə təbii qazın verilməsi ilə əlaqədar rayon ərazisində yerləşən “Tüklə” qaz paylayıcı stansiyadan qidalanan Mahmudavar, Mololon kəndlərində 14:00-dan 1300-ə yaxın abonentin qaz təchizatında məhdudiyyətlər olacaq.
Bundan əlavə, Qəriblər kəndində 2024-2025-ci il Payız-qış tədbirlər planına uyğun olaraq qaz xətlərinin dayaq üzərinə qaldırılması üçün “Masallı” ölçü qovşağından qidalanan Qəriblər, İsilər, Məmmədrzaküçə, Əzizabad kəndlərinin ümumilikdə 600-ə yaxın abonentinə saat 10:00-dan qazın verilməsi dayandırılacaq.
Qaz təchizatının dayandırılması işlər yekunlaşanadək davam edəcək.
İdarə bildirir ki, abonentlərdən qaz təchizatı avadanlıqlarını nəzarətdə saxlamaqları və təhlükəsizlik tədbirlərinə riayət etməkləri xahiş edilir.
