20-01-2023, 21:43

522

Lerik / Sosial

- A +

Lerik Rayon İcra Hakimiyyəti başçısı Əkbər Abbasov, icra hakimiyyəti başçısı aparatının əməkdaşları, hüquq-mühafizə orqanlarının, ictimai-siyasi təşkilatların rəhbərləri, ictimaiyyət nümayəndələri 20 Yanvar faciəsinin 33-cü ildönümü münasibətilə “Şəhidlər” abidə kompleksini ziyarət edib, abidənin önündə qərənfillər düzərək şəhidlərin xatirəsini hörmətlə yad ediblər.

20 Yanvar Azərbaycan tarixində təkcə faciə deyil, Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanış günüdür. Bu, uzun illər Sovet imperiyasının əsarətində yaşayan xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarixdir.

20 Yanvar faciəsi ilə əlaqədar saat 12:00-da rayon ərazisində şəhidlərin xatirəsi bir dəqiqəlik sükutla yad edilib.

Şəhidlərimizin ruhunu dərin hüznlə anırıq...