![Lerikdə "Narkomaniyaya yox deyək!" devizi altında maarifləndirici görüş keçirilib](/uploads/posts/2024-05/1716565335_mg-20240524-wa0042.jpg)
Asiya.az xəbər verir ki, çıxış edən Lerik Rayon Polis Şöbəsinin rəis müavini, polis polkovnik-leytenantı Anar Şıxəliyev bildirib ki, bu kimi görüşlərin keçirilməsində məqsəd narkomaniya və psixotrop maddələrin insan orqanizmində yaratdığı problem və fəsadlarla bağlı şagirdləri erkən yaşlarından məlumatlandırmaq, onlara sağlam həyat tərzi sürməyin vacibliyini izah etməkdir. Tədbirdə dövrümüzün ağır bəlasına çevrilən narkomaniyanın törətdiyi fəsadlardan, onun insan sağlamlığına vurduğu zərərlərdən, narkotik vasitələrə aludəçiliyin asılılıq yaratmasından söz açılıb, bu bəlaya qarşı ölkəmizdə aparılan mübarizədən, müxtəlif qurum və təşkilatlarda, həmçinin təhsil ocaqlarında bu yöndə təşkil edilən maarifləndirici tədbirlərin əhəmiyyətindən bəhs edilib. Diqqətə çatdırılıb ki, bu ümumbəşəri bəlaya qarşı mübarizə cəmiyyətimiz üçün olduqca prinsipial məsələdir. Çünki dövlətin, xalqın parlaq gələcəyi məhz sağlam yeniyetmə və gənclərlə təmin olunacaqdır.
![](/uploads/posts/2024-05/1716565368_mg-20240524-wa0043.jpg)
![](/uploads/posts/2024-05/1716565335_mg-20240524-wa0042.jpg)