Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi, Regional Hüquqi və İqtisadi Maarifləndirmə İctimai Birliyinin təşkilatçılığı ilə Lerik rayonunda “Qadın sahibkarlığının inkişafı” adlı tədbir keçirilib.
Asiya.az xəbər verir ki, tədbir öncəsi Ümummilli Lider Heydər Əliyevin rayon mərkəzində ucaldılmış heykəli ziyarət edilib, önünə gül dəstələri düzülüb.
Lerik şəhərində yerləşən Heydər Əliyev Mərkəzində keçirilən tədbir Azərbaycan Respublikasının ərazi bütövlüyü uğrunda canlarını fəda verən şəhidlərimizin əziz xatirəsinin bir dəqiqəlik sükutu ilə başlayıb.
Tədbirdə Regional Hüquqi və İqtisadi Maarifləndirmə İctimai Birliyinin sədri Arzu Bağırova, Lerik Rayon İcra Hakimiyyəti başçısının müavini Arzu Vəliməmmədova və Lerik rayonundan olan qadın sahibkarlar iştirak edib.
